الصدمه الاخيره.....

ياصدمتي في اكثر احبابي....ويا خيبة ظنوني
يا ضيق صدري...لاذكرت اني عليهم ما كذبت

يا طعنة خلتني انسى من سبايبها....طعوني
ياجرح ما له طب... حتى لو اقول اليوم طبت

اليوم...والله يكون بعون احاسيسي...وعوني
احاول اهرب من عمايــلهم ولكــن ما هـــربت

ما كنت احس اني انا انا ..وهذا الكون كوني
امر في حاله ضياع ...وشبه غيبوبه..وكبت

احباب..اي احباب ذول اللي على موتي خذوني
الظاهر اني شبت..يا عالم..وانا ما بعد شبت

سألت نفسي:هم يبوني صدق؟والا..مايبوني؟؟
اجبت نفسي وليتني على سوالي ما أجبت

اللي لهم مده وهم في داخلي...واستغفلوني
ياما استغلوا طيبتي معهم وكل اللي وهبت

وهبتهم قلبي...وشعري...وكل ما حولي...ودوني
تعبت معهم بس ما كني رغم هذا..تعبت

شعرت فعلا بالعذااااب...وغصة الدمع بعيوني
قربتهم مني...وانااللي كنت احسبني قربت

عشانهم قررت ابيع اللي منالعالم....شروني
عشانهم عمري مالعبت...وليتني والله لعبت

مادامهم ماقدروا صدقي ..ومعهم جرجروني
لو ادري آخرها كذا ..من اول الدرب انسحبت

ااحبابهم واجد ..ولا ادري ليه بالذات اخدعوني؟؟
مع اني عمري ما خدعت انسان او حتى قلبت

يا قوها صدمه ..وانا لون الغدر ما هوبلوني
وربي ما أنلام لو بعد الذي سوّوه ..غبت

ما كنت ناقص صدمه اخرى في حياتي ..واصدموني
مصدوم خِلقه ..لين مات الحب فيني وانعطبت

الحين مدري كيف اعاملهم ..وهُم ما قدروني
ما استوعبوا اللي كتبت من الجروح...وماكتبت

الله يجازيهم على استنزافي ...وحرقة جفوني
ما كنت حاسبهم يبيعون الغلا ..يومي حسبت

اثر الغلط مني لاني معطيهم جنووووووني
لكني اعلنها صريحه تبت والله ..ثم تبت

ما عاد لي رغبة اجدد في علاقتهم طعوني
خسرت في هذا الطريق اضعاف ضعف اللي كسبت

احسن لي ابعد واشتري نفسي ولا خيبه ظنوني
إن طبت من جرحي ..والا جعلني ما يوم طبت

مررررره رهيبه

مشكوره ع القصيده الروعه

خواطر من القلب الى القلب مالها دواء ولا طبيب